阮兆辉、尹光、彭健新、「大AL」张武孝、张与辰同颜米羔呢日出席记招，宣布12月将会举行一个向知名填词人黎彼得致敬嘅音乐会，一众好友亦有分享同Peter过往嘅相处点滴。
张武孝忆述自己打张专辑几乎全部出自Peter之手，仲攞过唔少金唱片奖。除咗工作上嘅合作，杯酒当歌亦都系二人共同回忆。粤剧名伶阮兆辉话自己虽然唔识唱流行曲，但为咗老友都会舍命陪君子。
与辰同米羔呢两位后辈话自己系听Peter作品大，对好多作品都如数家珍，当中与辰最钟意就系《将冰山劈开》，因为细细个已经成日听妈咪唱。而米羔就话《浪子心声》好贴切描述自己嘅心声。
尹光同Peter相识半世纪，当年成日一齐唱粤曲，尹光大赞Peter唱功了得，自己今次喺纪念演唱会上，特别拣唱Peter写俾许冠杰嘅歌来纪念故友。
