绫濑遥新戏复古造型扮演律师 工作之余研究创意料理

日本女星绫濑遥呢日同拍档初夏优香、铃鹿央士、松本穗香等齐齐宣传佢哋主演嘅法律题材新戏，新戏背景设定系80至90年代，几位演员嘅造型都带有复古味。

饰演律师嘅绫濑遥开拍前特登亲身拜访两位律师，令自己更加投入角色。绫濑遥话自己问咗对方点解要做律师，对社会嘅不公平有咩睇法等问题，两位律师嘅分享令佢觉得律师呢个职业真系好有型。

绫濑遥呢日喺活动上自爆近排生活上有新尝试，就同工作无关，而系研究食材嘅新变化，佢话自己将糯米混合麻婆豆腐一齐食，结果出乎意料咁美味。