周国丰喺《中年好声音》嘅舞台上，不时无表情咁畀出严格嘅评语，畀人一种冷冰冰嘅感觉。不过返到屋企，身为儿子嘅周国丰就系一名暖男乖仔，两母子关系密切，喺10月10号晚上，周国丰透过社交平台发文「她走了，我记得。今晚，离岛大莲姐的故事，翻到终章。她在所有家人的陪伴下，安详地走了。我会一直记得，直到我们再见的那一天 ⋯⋯ 那时，请你再叫我一声『细佬』。」
字里行间流露出周国丰对妈咪嘅不舍之情，其实周国丰不时喺社交平台分享妈咪离岛大莲姐嘅近况，而背后原因系帮患上脑退化症嘅妈咪纪录生活点滴，写下《妈妈的记忆》，期间更以妈咪嘅故事出书，亦系佢人生首本著作。
