许志安一连三场红馆骚嚟到最后一晚，尾场邀请到歌神张学友任嘉宾，二人合唱安仔嘅《一家一减你》同学友嘅《我应该》，令现场歌迷大饱耳福。
学友话自己好开心见到安仔重新站上舞台，安仔就话自己好想见到学友，好想同佢亲近，学友听到安仔呢番「示爱」说话，即刻拖住安仔嘅手：「依家呢啲嘢好公开，冇所谓。」风趣言论惹来全场大笑。
学友仲喺台上爆料话自己托咗好多人买飞都买唔到，听讲如果做嘉宾可以有四张飞，所以好开心可以嚟做嘉宾，佢又话因为自己唱歌擘唔开眼，睇唔到提词机，所以唯有将成首歌嘅歌词全部背晒。
尾场撞正 梅艳芳 63岁生忌，作为梅姐徒弟嘅安仔，特登喺呢晚嘅歌单加插一首梅姐嘅经典国语歌《亲密爱人》，凭歌寄意表达对师傅嘅思念。
