郭柏姸以「爱眼之星」身份出席颁奖礼，讲到视力问题，本身有近800度近视嘅Rosita，深明灵魂之窗嘅重要性，佢话未试过起身一刻望到清晰嘅世界，曾经反思自己是否因为读书或睇嘢太近，导致近视加深，所以而家都努力检讨自己用眼嘅习惯。
Rosita而家考虑紧做唔做矫视手术，因为太深近视都影响佢日常工作，而隐影眼镜戴得太耐，又会眼干，甚至有时眼睛攰到令自己瞓着咗。又试过拍剧时甩咗隐形眼镜，所以而家会带定几副后备喺身，以免影响拍剧进度。Rosita忙于幕前工作同时，今年又开拓自家服装品牌，所以佢都话要好好学习时间管理，以免令眼睛再受影响。
