TVB旅游综艺节目《试真D唷》刚播出呢集，重新归队嘅朱敏瀚（朱仔）与曾展望（GM）合体出动，跟江美仪及张振朗齐齐出动，喺台北猎奇美食同劣质住宿体验非常搞笑，获唔少观众赞默契非常好，互相推卸责任同顶嘴嘅搞笑互动，完全冇冷场。
试伏品尝「珍珠奶茶汤底」，黑糖珍珠配鲜虾同肥牛，GM 忍唔住发文称「全 trip 之最，点解个糖水有虾」，更称「臭，臭但香」，呢种「又甜又咸、又奶又鲜」嘅奇特味道，令众人表情纠结，除此之外，主持仲挑战品尝「榴梿Blue Cheese臭豆腐」与极臭豆腐火锅，振朗面色大变，食𠮶阵被臭到面红、青筋暴现兼反白眼，完全失去表情管理，美仪姐吃完仲觉得唔够臭，要求店家「加臭」，形成强烈对比，振朗沉沦喺臭味地狱当中，更加怀疑人生，综艺效果简直拉满。
江美仪喺社交平台分享一条幕后花絮影片并写道：「今集开始台北啦，欢迎朱仔回归！ 但系返嚟就试咗Kam 嘢🤣 臭豆腐火锅虽然系臭，但系我哋著到咁，无论喺街度，舖头啲人都望住我哋🤣 都系𠮶句，臭还臭，我劲钟意食😋 至于鹅肉饭⋯⋯大家有目共睹🤭 拍摄地点重见到一只会同我一齐望镜头嘅狗狗呀！So lovely 🥰 下星期日晚8点翡翠台继续《试真D唷》！」
朱仔因工作排得密密麻麻，差啲未能归队，今次佢同GM挑战一间房价约$300港元一晚嘅劣质套房，似足拍密室逃脱！二人不仅打开门均传出异味、毛巾发臭，更遇上冷气配件掉落及小强满屋嘅惊险场面，吓到走夹唔唞。朱仔早前喺社交平台开心分享《试真D唷》开工相：「今个星期 台北篇 我返嚟喇！🎉好挂住啲虫呀、温泉呀、内脏呀，睇吓我今转又会濑啲咩🤡 感恩制作组畀我舐到两日。」
