TVB台庆剧《璀璨之城》将于10月12日起，逢星期一至五晚上8点半喺翡翠台播出。今晚首播将展开一场豪门家族争产，剧中四角情仇人物关系复杂、尔虞我诈，尤其系张智霖（Chilam）饰演嘅官孝贤城府极深，连佢喺宣传片都用「魔」形容呢个角色。
不过喺剧外，一众演员之间嘅拍摄气氛非常好，Chilam喺花絮片段中，即使连NG得好自然，仲一本正经继续演完成段戏，Cut机后仲幽默表示，自己就系会咩都唔理做落去，拍档高海宁笑得好开心。
至于吴卓羲（Ron）同张曦雯（Kelly）呢一对粉红泡泡CP嘅互动气氛更加好，阿Ron喺一场食饭戏，一个喂粥动作已经令Kelly忍唔住笑场，就算唔需要阿Ron喂，Kelly都忍唔到笑，搞到阿Ron都好无奈，话Kelly系自己嘅「低能老婆」。
