卢海鹏、邓兆尊、唐丽球、陈昭昭 为一间超巿开幕剪彩，84岁嘅鹏哥中气十足，早前仲去到内地登台同观众见面，已经移居海外嘅阿仔都有陪伴身边。而有三位女友嘅兆尊感情生活忙碌，加上工作密麻麻，佢自爆自己瘦咗十几磅，搞到几位红颜知己最近迫佢食海参，想佢补补身，不过补就系补骨质，唔系另一样嘢。
兆尊日前喺网台评论破产避走到外地嘅富家子王贤志，推算佢起码走数近一亿巨款。呢日再讲起事件，兆尊感慨表示，任性同做嘢要分开嚟做，自己想做嘅嘢要衡量一下会唔会赚到钱，唔好只因为兴趣去做，同埋要有底线，要记住「唔熟唔做」嘅道理。
兆尊入行后经常被称「二世祖」，讲到「挨」，佢就话自己挨到瞓地下，只系大家唔知，亦幽默表示，其实净系喺屋企对住妈妈都有排挨，挨完出嚟已经系铁打。 
