新剧《璀璨之城》今晚（12号）首播，剧集喺澳门实景拍摄，故事由 张智霖 同 吴卓羲 两兄弟争做集团主席揭开序幕，上演连串权力斗争。除咗争产，剧中爱恨情仇都系吸睛之处。Chilam 同 陈晓华 喺一间特色小屋内上演嘅一幕激烈埋身肉搏，睇到观众火辣辣。
myTV SUPER重温《璀璨之城》豪门家族争产
Chilam话自己冇特别做准备，而Hera就话自己准备咗信任同勇敢，因为自己未试过，亦系Chilam教识佢用理性处理感性场面，系一个好好嘅学习经验。而Chilam就话唔系特别需要教，因为Hera好有天分应付好多嘢。
至于会唔会感到尴尬？Chilam同Hera话唔会，喺围读时都好清楚，监制都同Hera讲过会有激情部分。Chilam更预告，自己只要做坏事都会喺𠮶间特色小屋发生，不过就唔可以剧透太多。