10月12号系陈家乐嘅40岁生日，为人夫又做咗爸爸，生日当然同妻女一齐过啦！家乐喺社交平台post庆祝生日嘅片同相，精灵可爱嘅宝贝女星星锡咗爸爸一啖，相信家乐一定开心过收到任何生日礼物啦！
太太连诗雅准备嘅蛋糕都好有心思，上面有一家三口嘅样，写上「Happy Birthday Daddy！」而另一张相就有家乐同Shiga两公婆对住镜头嘟嘴，用神同步嘅表情放闪，真系够晒sweet。
虽然正式踏入四张，但家乐外型丝毫唔见「佬」味，正所谓男人40一枝花，正准备开花嘅家乐明显心情大靓，佢写到「咁就40！我无输呀！我做到我想做既野呀！」有妻有女事业有成，近日仲圆埋23年前嘅歌手梦，唔怪得家乐可以大大声话自己「登！四！成！功！」
