郭柏姸（Rosita）喺今个月5号度过咗29岁生日，Rosita正日陪咗家人同睇住自己大嘅长辈食饭庆祝，佢笑言系由朝食到晚。喺圈中获唔少人爱锡嘅Rosita，生日饭系一餐又一餐，而当中一位当佢女咁锡嘅就系车太江美仪。
美仪姐喺社交平台贴文写上「今次轮到我同你哋庆祝生日啦」，原来美仪姐一次过为两位十月生日嘅「爱女」郭柏姸同霍嘉恩庆祝生日，佢话：「每次见到你哋都好开心，你哋真系好可爱。芊芊，祝你生日快乐，生意兴隆。嘉恩，祝你生日快乐，身体健康。」
《下流上车族》饰演母女而结缘
美仪姐自从喺2022年台庆剧《下流上车族》同Rosita饰演母女后，两人就结下不解缘，而当年美仪姐凭此剧问鼎视后，而Rosita亦夺得「飞跃进步女艺员」。
《大湾区美味好玩攻略》短线吃喝玩乐
其后两人喺《大湾区美味好玩攻略》合作，即使会否喺工作碰面，佢哋两母女每逢对方生日或喜庆日子一定会相约见面，呢份由友情演变出亲情嘅关系的确难能可贵。
