曹越刘晓昆陈俞霏跳唱新歌 挑战登上管弦乐舞台合作演出

刘晓昆、陈俞霏同曹越一齐以粉红色配牛仔装束现身新歌发布会，获一众圈中老友到场支持，三人除咗同粉丝玩游戏，仲轮流上台献唱，陈俞霏首唱新歌为大家送上惊喜，不过大家最期待当然系三人以女团形式跳唱嘅新歌。

三人演出越嚟越得心应手，嚟梗佢哋又有一个新挑战，就系将呢首咁有节拍感嘅新歌，换转另一个形式演出。

曹越稍后会同三十人组成嘅管弦乐团合作开骚，届时会将流行曲结合乐团演出，而佢哋三人嘅跳唱新歌，亦会首踏管弦乐嘅舞台演出，陈俞霏都话好期待，刘晓昆会再编排舞步配合重新编曲嘅版本。