周志康参加《中声4》追梦，令佢人气同事业都大跃进，实现唔少梦想，嚟梗佢联同哥哥周志文举行首次演唱会。演唱会记招上，两兄弟率先为在场嘅嘉宾同粉丝预演献唱。
阿康话收到消息时非常兴奋，因为佢同哥哥一齐入娱乐圈，累积17年时间，两人都好享受音乐，如果可以同大家分享音乐就更开心。
阿文话好耐冇同阿康合作，加上自己已经甚少公开演出。当初听到开骚消息，阿文系经由朋友口中得知，当时仍然半信半疑，直至TVB联络佢先知系事实。
见到台下一张张熟悉嘅粉丝面孔，阿文话有啲人当年着住校服，而家已经抱住小朋友嚟支持，一幕幕嘅画面，令佢差啲忍唔住喊，佢指有咁多情绪涌现系因为好多人支持佢哋。
至于会否有惊喜，阿康话应该系一段接一段，就好似一本书咁有好多唔同嘅序同画面，提议大家带定纸巾。讲到骚肌方面，两兄弟异口同声话肌肉已经准备好，睇吓大家嘅反应。