林心如、温升豪呢日重返大学校园，出席学校杰出校友颁奖典礼领奖，适逢今年系七十周年校庆，两位都觉得呢个奖别具意义。由演员跨界做制作人嘅心如，话自己面对嘅问题越嚟越多，所以当佢有机会重新回到校园，学习传播管理相关课程嘅时候，佢觉得带畀佢非常多嘅养分。佢话今日攞到杰出校友奖，对佢嚟讲，唔止喺一个肯定，更系一份提醒，提醒自己无论走咗几远，走咗几耐都要保持一颗好奇心，以及对学习嘅热情。
温升豪虽然系模特儿出身，最后喺戏剧界大有作为，不过估唔到佢最终嘅志愿，系做新闻记者。佢话自己读大一时，都唔知自己到底选择系啱定唔啱，佢表示自己当时系想读新闻，但佢嘅科别系传播管理，管理第一就要读经济、统计跟会计，可惜，温升豪话自己见到数字就头痛，所以最后佢选了新闻学、广告学、仲包含电影戏剧学，所以佢好感激母校畀佢用四年时间，了解自己真正想从事咩方向？佢话自己一路都系传播业打转，终于转到自己喜欢嘅工作，就系拍摄电影同埋影集、戏剧等等。
