罗霖Candy 作客《流行都巿》分享近况，同主持人安德尊遇见时话题不断，两人仲以先生及小姐嚟互相称呼，罗霖解释因为多年前喺一个电视台工作时，大王一见到佢就叫佢小姐你好，于是罗霖突然反应就以先生嚟称呼大王，两人一叫就叫足三十几年。
myTV SUPER重温《流行都巿 》精彩内容
罗霖虽然已经登六，但无论身材与样貌都唔似实际年龄，名符其实系美魔女，佢坦言平日都食好多嘢，只系自己好幸运有好多美容公司赞助扮靓，从而令佢悭好多钱，但自身状态同精神健康必定要好好注重，维生素同自家汤水都唔少得，因为靓系由内而外。
另外，罗霖早前受眼疾困扰，视网膜脱落加飞蚊症，幸好及时医治后暂时无大碍，但当时都令佢吓一跳。