TVB热播剧《璀璨之城》㖊晚（14号）播出嘅第三集中，「郭芷媛」陈晓华（Hera）怀有张智霖饰演官孝贤嘅BB，芷媛以为孝贤会娶佢为妻，点知新娘子变成「洪海允」高海宁，而芷媛仲被孝贤弟妇「王雪莹」张曦雯捉咗去堕胎。
myTV SUPER重温《璀璨之城》豪门家族争产
幸好芷媛及时逃脱，但变成另一场不幸嘅上演，芷媛走到孝贤婚礼现场，仲喺婚礼举行一刻，叫孝贤入新娘房见佢，最后芷媛走上不归路自杀身亡。
虽然Hera嘅剧情只有短短三集，足以令人同情佢嘅遭遇，突显孝贤嘅高傲及只问成果不理过程嘅冷血态度。Hera喺社交平台以芷媛角色撰文写上「如果你仲有少少良知嘅话，唔该你唔好喺我面前出现」，最后一刻听到嘅说话，好想系一片宁静，偏偏像单曲循环一样，重复播放著……
剧中孝贤喺佢绝望时道出嘅「唔该你唔好喺我面前出现」、「唔该你唔好喺我面前出现」，令芷媛极心痛，「我想知点解，点解对我最重视嘅嘢，我哋嘅嘢，咁冷血，一啲感觉都冇，点解」，Hera正正道出芷媛临死前一刻嘅痛苦同无助感。
