张宝儿（Bowie）跟老公袁伟豪育有一对儿子「袁咕碌」同「袁氹氹」，夫妇悉心照顾仔仔，为佢哋准备最好嘅一切，当中包括居住环境。
自从「袁咕碌」出世时，阿Ben将自己嘅男人天地改造为BB房，由于佢哋原本居住市值超过半亿嘅浅水湾豪宅受漏水问题困扰，两人决定另觅居所，搬去全新复式海景豪宅。
Bowie日前分享喺新居照顾两位宝贝仔嘅凑仔日常，并曝光咗佢哋两公婆悉心打造嘅儿童天地，「袁咕碌」同「袁氹氹」嘅儿童房比唔少会所嘅儿童房环境更优越，设备更齐全。
大仔「袁咕碌」早前入读 Playgroup ，出现坐不定、自言自语及专注力不足等情况，未能适应学校节奏，被老师反映专注力不足，Bowie为其办理退学，改为喺屋企学习、放慢活动节奏，而阿仔语言学习及表达能力已有明显提升，可见Bowie付出唔少努力。
片中见儿童房拥有落地玻璃，观看全海景，采光度非常充足，并且能够观赏屋企私人泳池，Bowie亦非常细心，喺儿童房安装洗手盆，等两子玩完之后，可以洗手清洁。
