TVB恋爱真人骚《女神配对计划2》开播以嚟，唔少观众追睇一班求爱勇者攻陷女神芳心，尤其「女神」阮嘉敏（Mandy）同吴旭东（东东）呢组CP更获不少网民喜爱，不时散发粉红泡泡，唔少网民都想二人谱出恋曲「配对成功」，点知近日传出东东已返回内地老家！
myTV SUPER重温新一辑女神求爱历程https://www.mytvsuper.com/tc/programme/adatewithgoddesssr2_147130
阮嘉敏日前喺社交平台贴出新发型嘅靓相，一身短发新造型显得青春明媚，东东亦立即留言示爱，深情询问「不知可否有幸成为那个以后给你吹头发的人」，网民感受到二人满满爱意之际，网民好奇问呢张相系咪东东操刀，点知东东透露目前已回西安，令唔少支持呢对CP嘅网民感到惊讶。
东东呢番话瞬间喺网上引起热话，有网民称节目目前仍在录制，短剧演员东东却声称返回老家，非常担心东东被女神淘汰，另有网民觉得阮嘉敏唔应该同东东发展，指阮嘉敏平时周身名牌，跟东东经济实力差距悬殊，有感两人系唔同世界。究竟二人关系有咩新进展就要留意《女神配对计划2》啦！
