热播剧《璀璨之城》开播无耐，已经掀起全城煲剧热潮，一班演员张智霖、张曦雯Kelly、江美仪、蔡一智、姜大卫、陈晓华Hera、陈炜、陈滢等齐齐食饭睇第三集。呢集剧情剧力万钧，Chilam高调迎娶 高海宁，搞到大肚情妇Hera以死相逼，呢一幕重头戏，真系睇到大家手握拳头，连电视机前嘅Chilam都话睇得好辛苦，好戥Hera辛苦。Hera睇完自己演出反而冇觉得痛心，因为佢集中留意大家反应。
Hera被Chilam搞到一尸两命，固之然好惨，但系其实Kelly都一样惨，当佢去冲凉时，老公吴卓羲就已经喺出面搞搞震，仲同高Ling咀得火热，要望住自己心爱嘅男人同另一个女人咀，Kelly喺电视机前睇到呢幕，都按奈不住把火，突然擸起刀叉透露出一股杀气，久久未能平息。Kelly仲爆粗大骂Chilam系渣男，果然睇得相当投入，旁边嘅美仪姐都话未见到Kelly咁真性情。
饭局上，大家趁住阿Ron唔在场，竟然一齐攞佢同Kelly嘅绯闻嚟玩，当问到呢部剧入面，系咪个个都系悲惨收场时，Chilam竟然漏口风，指住Kelly话得佢好结局，但就话自己讲嘅系现实生活中，美仪姐亦加入指Kelly拍得好投入，搞到Kelly即时怕羞脸红。
《璀璨之城》星期一至五晚 20:30 翡翠台