资深戏剧制作人李兆熊十月初离世，享年89岁。TVB前监制王心慰联同家属于10月15日喺湾仔为亡夫举行追思会，堂内以简洁布置为主，灵柩于仪式完毕后奉移哥连臣角火葬场火化，Amy姐步出时，难掩哀伤神情。
同样曾喺TVB共事嘅好友兼监制徐正康、文伟鸿、高层曾励珍、资深演员刘松仁、白茵同丈夫黄文伟、郑嘉颖、郑丹瑞、李力持等前嚟送别故友。虽然松哥近年身体响起警号，佢早前喺网上解释状况，仲叫大家要对佢有信心，呢日见佢精神奕奕，又亲切同友人打招呼，步出时由身边嘅人搀扶住。
白茵姐同李兆熊相识超过半世纪，入行第一部戏已经系兆熊哥执导，对好友离世感不舍。白茵姐话当年经常一齐相约外出玩，每逢过时过节都会聚埋一齐。白茵姐知道故友患咗肌少症好耐，对方因为咁而减少外出，自此就冇乜见面。李力持则视兆熊哥系恩师，要嚟多谢对方，表扬佢对业界贡献。
