《中年好声音4》十强尹景顺、许云妮、郑家声、蔡宓婕、吴亦伟、尤淑情、许美琪、周志康、陈旭培同郑仲豪齐集舞台，举行一连两场演唱会，唱将们施展浑身解数，喺台上又唱又跳。
尹景顺同郑家声重新演绎比赛中嘅大热歌曲，许云妮就献唱剧集片尾曲。同样有新歌唱嘅仲有许美琪同蔡宓婕，佢哋率先演唱最新合唱歌，除此之外，其他歌手嘅crossover亦好有惊喜。演唱会尾声，嘉宾邬友正上台献唱，以歌声传递勇于追梦嘅正能量。
唱将们少咗比赛嘅压力，大家话终于可以放松心情享受舞台，许美琪好开心能够跟大部份人互动。许云妮同样觉得开心，陈旭培话心情兴奋，郑家声同周志康异口同声直认未够喉，觉得十人同台好似开派对咁。
