《女神配对计划2》经已播出六集，五位女神何沛珈、阮嘉敏、陈若思、俞可程同郭珮文，以及求爱勇者嘅互动，令观众睇得好肉紧同投入，嚟紧第七集，节目组一如赛前所言会加入「隐藏女神」元素，而呢两位女神就系梁超怡同陈星妤。
myTV SUPER重温新一辑女神求爱历程
30岁梁超怡有5次拍拖经验，经已单身咗10个月，而31岁陈星妤同样5次拍拖经验，啱啱单身咗4个月，呢两位「隐藏女神」仲分享择偶条件，超怡钟意比较聪明、幽默及细心嘅男仔，而且偏爱鼻高男士。星妤就分享自己嘅恋爱自白：「虽然大家觉得我应该好有自信，但我又唔系真系好有自信，因为有时有啲人都觉得我好难接触，自己都惊畀人有呢种感觉。」
嚟梗18号晚播出嘅第七集，7位女神同12位求爱勇者会挑战刺激感嘅主题游戏，女神们与求爱勇者将经历一场超近距离嘅「心跳回忆」，整个环节最好玩嘅地方，当约会一开始，制作组会全程追踪求爱勇者心跳指数，令佢哋嘅心动同紧张程度将无所遁形。
