陈奕迅（Eason）每次演出均寻求新意同突破，Eason宣布将于今年12月至明年2月，喺香港演艺学院歌剧院，举行26场演出，有别于以往嘅演唱会，今次系畀大家现场见证佢录音。
Eason将于创造香港乐坛首次创举，将录音室搬上舞台，以公开方式重录经典专辑，观众可以成为座上客即时欣赏。Eason踏入乐坛卅载，多年来推出不少专辑，佢喺当中挑选咗26集专辑重新灌录，包括《陈奕迅》、《与我常在》、《天佑爱人》、《我的快乐时代》、《Shall We Dance？Shall We Talk﹗》等。
Eason一向钟意同人分享音乐，应该好多人都知嘅，但系一次过同咁多人用呢种方式去唱，Eason话呢次真系第一次，亦应该只得一次，又话有啲歌当年只录过一次，有啲情感只有当时嘅年纪先唱得出嚟。Eason相隔多年后，人生经历同声音均有转变，当年Eason遇上今日嘅自己，同一首歌会产生咩变化，佢希望透过26场现场录音同大家一同寻找答案。
是次演出最特别之处，歌迷除咗能够近距离欣赏Eason录音外，中场时，Eason亦会分享历年唱片嘅创作点滴、录音回忆，以及歌曲背后鲜为人知嘅故事。
