吴卓羲同张曦雯喺《璀璨之城》做两夫妻，延续到现实中戏假情真，甜蜜嘅互动真系纸都包唔住火，两人仲漏口风已经见过家长。成班演员一齐宣传时，心情大靓嘅阿Ron又拎起传媒嘅相机帮演员影靓相，Kelly当然系模特儿之一，点知被Kelly投诉影完啲相冇畀返佢，阿Ron解释自己开工好专业唔拎手机，所以啲相系借用剧组摄影师相机影。
myTV SUPER重温《璀璨之城》豪门家族争产
阿Ron同高海宁趁Kelly去咗冲凉竟然偷情激咀，呢幕无论戏里戏外都令Kelly睇到火都嚟，日前连其他演员都笑Kelly打烂醋呈。阿Ron解释投入系因为要配合剧情，事关高Ling喺激咀期间要帮老公偷回邮包，过程唔畀得阿Ron知道。
记招上，剧组更为陈滢预祝生日，陈滢喺剧中献出咗佢嘅性感底线，大骚fit爆身材获激赞，相信观众嘅反应都成为佢嘅生日大礼之一。同样有激情戏上演嘅陈晓华，表示剧本好好，成个场口具震撼力，虽然佢只得三集戏份，不过头三集经已好紧凑。
喺官家里面个个都老谋深算，姜大卫对住张智霖同吴卓羲两个衰仔，一啲都唔能够畏缩，反而系要助长佢哋成魔，连陈炜都话John哥角色好变态。
《璀璨之城》星期一至五晚 20:30 翡翠台
