「初哥哥」张智霖（Chilam）作客「Q姨」薛家燕主持嘅电台节目，为热播剧《璀璨之城》宣传，早前TVB重播经典神剧《十月初五的月光》，勾起大家嘅集体回忆，家燕姐都好挂住文初，专登叫Chilam要抽时间嚟见面受访。
煲神剧《十月初五的月光》
讲到Chilam喺新剧跟陈晓华嘅火辣情欲戏，家燕姐都有睇到，仲赞Chilam演得好好，问佢系咪事前同老婆靓靓袁咏仪试过戏，俾家燕姐杀个措手不及，Chilam即脸红话冇，因为自己够专业。
Chilam自爆拍呢幕戏已经紧张，但估唔到播映时再紧张啲，因为当晚同外父外母，仲有靓靓一齐睇，睇完之后，Chilam发现大家都倒抽一口凉气。