余安安 、Joe Junior及 彭家丽 呢日出席一个活动，早前不慎整伤脚嘅余安安，好彩康复进度非常好，而家行得走得，除咗可以迎接嚟紧嘅舞台剧演出外，仲可以亲赴澳洲出席囡囡嘅婚礼，由于佢要排舞台剧嘅关系，安安姐话唔可以喺当地逗留得太耐，只系去一个星期就会返港。
作为开明嘅妈妈，安安姐就冇催囡囡生小朋友，仲话睇阿女意愿，问到佢准备咗啲咩礼物畀对新人？安安姐就话怕被囡囡见到，要保持神秘喇。
啱啱喺内地推出第一张Hi-Fi大碟嘅彭家丽，预告嚟紧将会专注喺内地发展，已经签咗内地公司，除咗唱歌之外，佢亦会拍多啲短片，等大家知道佢进军内地。
明年踏入80岁嘅Joe Junior，就预告将会开举行两场入行60周年演唱会，仲会请嚟陈欣健、Anders Nelsson及露云娜做嘉宾。
