10月20日系已故邵氏功夫影星傅声72岁冥寿，李修贤受访谈及师弟傅声早逝，多年嚟仍难以释怀，而傅声挚爱甄妮当年悲痛欲绝，暂退演艺圈及关闭「金音符」唱片公司，甄妮近日亦再度推出珍藏套装，收录由其亲自筹划并监督制作、金音符绝版已久嘅五张经典广东专辑「重生」。
甄妮喺1977年经狄龙介绍与傅声相识并一见钟情，随后结婚。傅声于1983年不幸因严重车祸意外逝世，前辈甄妮隐退多年，早前宣布再度推出全球限量发行200套嘅「甄妮–金音符。挚爱珍藏套装」。
音乐制作人Alex Fung（冯贻柏）早前喺社交平台贴出前辈甄妮嘅近照，相中见甄妮风采依旧，雍容华贵、气质不凡。Alex Fung好感谢前辈俾机会，重新打造呢五只珍贵嘅唱片，留一个好好美丽嘅回忆。
Alex Fung话细细个喺阿嫲啲卡色带听前辈甄妮喺TVB电视剧唱主题曲《奋斗》，仲𠮶阵时仲买过前辈啲唱片，自己唔觉意地廿年前邂逅，同佢做咗两次红馆嘅演唱会，前两年仲帮忙搞吓版权问题，「我又同佢倾吓佢金音符唱片公司有冇空间可以揾啲嘢发生，咁样样就同佢复刻咗佢五只40年前嘅重点黑胶」，用咗超过一年时间去重新整理封面，又揾咗英国顶尖Metropolis Studios重新进行专业母带处理及混音，今年出咗佢嘅一些珍藏…」
恰巧近日李修贤亦讲起同门师弟傅声，74岁李修贤纵横演艺界逾半世纪，早前接受资深传媒人汪曼玲嘅网上访问，对于师弟傅声早逝难以释怀，提及1983年夺命车祸，修哥痛心还原惨剧细节，称当年汪禹驾车企图越线超车导致交通意外，挚友傅声重伤不治，成为李修贤心中永远无法抚平嘅遗憾。
李修贤回想二人兄弟情谊，坦言好唔舍得呢个好同学，更透露傅声当年出身名门，可惜入训练班时，家人未有支持，「唔畀钱佢，搞到饭都冇得食」，李修贤不时请客食饭，二人感情非常好。李修贤回想二人后生时堪称全邵氏「最曳𠮶两个」，李修贤笑称当年傅声冇钱买烟食饭，两人竟然跑去揾方姐借五百元，遭拒后闯邵氏停车场大闹，话二人跳上车顶系咁踩，踩到车顶凹晒，制片部冲出嚟嗌「落嚟落嚟，借畀你」。
李修贤当年喺邵氏受训仅7日，喺练功被恩师张彻导演一眼睇中签约7年，虽然张彻极爱锡弟子，但李修贤坦言恩师喺电影上从未给予主角机会，李修贤话蔡澜先生都讲过好多次，张彻唯一冇捧过就系李修贤，李修贤喺《五虎将》演其中一虎，话张彻最锡系声仔、最唔锡系自己，但李修贤心存感恩、饮水思源，对恩师毫无怨恨，觉得「人哋带得你入行，畀咗个起点你，你仲怪责啲咩？条路始终系靠自己行出嚟」。