郭富城 呢日为 萧芳芳创办嘅护苗基金活动担任嘉宾，向外界宣传自我保护嘅儿童绘本，身为两女之父嘅Aaron就指收到芳芳姐嘅亲笔信邀请，加上活动极有意义，所以就答应出席喇。
城城又话早于22年前已曾参与基金嘅筹款活动，当年曾一齐共舞，又分享多年来基金嘅发展方向，自己二话不说就决定再次支持喇。
年底佢将杀入启德主场馆展开演唱会，早前囡囡于台边欣赏爸爸演出时随音乐起舞，仲举手想挑战爸爸嘅舞技，仲笑指非常相信自己嘅强大舞蹈基因已遗传俾下一代咁话。
芳芳姐呢日笑容满面现身，精神非常唔错，仲非常幽默指自己化好靓妆所致，不过就指公开活动因环境嘈杂而会令耳鸣加剧，所以之后要好好休息一段时间先回复，不过为行善就冇所谓，亦因耳疾原因连同朋友见面机会都唔多，亦不时同七公主嘅朋友联络。
