台湾一间电视台庆祝多个节目同主持人入围金钟奖，包括有入围常客 吴宗宪 LuLu 陈汉典 同曾宝仪 等。宪哥过去曾经因为失落奖座大肆批评，对金钟奖又爱又恨，佢受访时坦言已经唔记得第几次入围，又带出连串说话指向金钟奖告白。
宪哥话：「人生就是这样，淡然面对心中最大心愿，回首都是福，但是在那一刹那之间，是在乎的，跟你分手那一天，不是说我不痛，我一转身没有回头，原因是不想让你看到我流泪。」身边嘅好友都笑佢同件事有咩关系，但似乎呢啲就系宪哥嘅心声。
宝仪主持嘅节目已经连续三届入围，节目陆续邀请超过30位艺人带观众返屋企，可以得到金钟肯定，宝仪当然好开心，不过宪哥就有啲唔开心话3年30几位嘉宾，为何就唔请佢上节目，搞到宝仪笑言：「不是没想到，就是因为没有你，我们才能三届都入围。」
陈汉典近日三喜临门，除咗入围金钟，佢仲会担任今届颁奖礼嘅主持人，至于第三喜原来系一个乌龙，日前有一位同佢同名同姓嘅网友，喺网上分享太太怀孕嘅喜讯，结果竟然有一大堆人走去恭喜汉典同Lulu。