颜米羔 同米粉庆祝后援会成立3周年，VIP粉丝颜妈妈当然喺现场，仲有中四生 陈旭培 同 郑仲豪 都一齐支持。
过去三年米粉都缔造咗好多难忘回忆，呢日重温往昔片段时，米羔都不禁感触落泪，坦言好感动，因为自己个水煲好容易著，见到每个画面都系一班人，佢承诺会更加努力行落去，希望第日每张相每个画面都要用放大镜先睇到自己。
米粉嘅支持成为米羔最大动力，所以佢特别献唱咗《我愿意》同《共同渡过》，凭歌寄意回馈米粉。另外，米羔近日开始参与宠物摄影，郑仲豪就早已约定米羔，笑称自己系「禽兽」，咁有冇衫著？米羔即刻好快接上话：「要著衫，通常禽兽都系衣冠﹗」
