古天乐举行生日会预祝56岁 派对变迷你演唱会唱爆舞台

嚟紧21号就系 古天乐 嘅56岁生日，一向重视粉丝嘅佢，今年继续举行生日会同大家一齐庆祝，星期齐晚古仔就联同近800位粉丝欢聚一晚，仲将生日派对以演唱会形式举行，喺台上唱爆舞台。

资深传媒人 汪曼玲 亦系座上客之一，同场出席嘅宾客仲见到有罗兰、吴君如妈咪冬婶、连炎辉，同埋早前身体不适嘅冯素波，身为主角嘅古仔以鲜红色外套加恤衫领呔造型现身，抢眼得嚟又型仔到爆，加上佢连唱多首金曲，令到全场气氛高涨，大家都玩得极之尽兴。