修哥 胡枫 出现嘅地方一定系笑声连连，因为学修哥嘅契仔张家辉喺10月18号晚播出嘅节目《一周星星》话斋，修哥嘅转数非常快，大家咪以为修哥之前身体唔舒服，会影响佢嘅转数，今次又再一次证明修哥系宝刀未老喇。
修哥7月底喺新抱Jojo陪同下拍片，透露早前因突发性胆管炎引致胆石堵塞，一度需入住深切治疗部，并插喉昏迷4日，当时主诊医生形容极度危急，幸好修哥福大命大，接受手术后康复出院。
一向钟意出席大小饭局嘅老友嘅修哥，出院后亦乖乖留家休息变得深居简出。直至近日，修哥开始现身老友饭局，关宝慧就分享咗一张同修哥食饭近照，佢话「开心见到修哥精神飒爽，转数快到不得了，见到我马上的第一句话：你今晚唔使做骚咩？叻到不知得了。」大家见到修哥咁精灵活泼，相信都会好开心。虽然修哥出席饭局，佢都好听话戴住口罩保护自己，而出席饭局嘅人仲有肥妈、向海岚同黄锦燊，仲见到已久未露面嘅莫家尧。
