以个人身份发展嘅 颖乔 推出第二首个人单曲，以R&B风格演绎全本地制作新歌《为谁来奋斗》。以故事形式拍摄嘅MV，仲特别邀请香港排球代表队成员 郑旨睿 参与。首次担纲MV男主角嘅郑旨睿与Ziva共同演绎一段充满拉扯、现实同自我救赎嘅故事。
ZIVA仲亲自解释邀请高大威猛嘅郑旨睿参演原因：「系我亲自邀请佢嘅，因为佢嘅外表有啲似我过往嘅一段感情嘅男主角。」对首次以演戏形式拍摄MV，ZIVA就话：「我好感谢郑旨睿一口答应帮忙做呢次MV男主角，我哋都未拍过任何戏剧所以都担心会唔会尴尬，不过好好彩，唔知那来的默契，好快我哋就投入喺歌词故事之中。」
《为谁来奋斗》内容描述一对恋人，由伤痛、冷眼旁观到最终重生嘅心路历程，所以两位主角都要精准呈现出女主角面对逆境时「受伤、自救、解锁」嘅觉醒过程。 MV以「陶艺」作为核心，Ziva同郑旨睿最初亲密合作拉陶瓷，流露无尽甜蜜。然而温馨场景剧情发展转化，由热恋期嘅欢声笑语到经历分歧、再到男主角变心，Ziva要独自面对破碎现实。
Ziva补充话：「我真系要大赞我郑旨睿嘅演技，我同佢虽然都系第一次演戏，但好短时间由热恋到离开我，佢都演绎得淋漓尽致，亦都令我好容易投入其中，真系好感激佢今次嘅付出。」
