麦明诗 Louisa Mak 早前喺社交平台分享咗一张佢同关之琳嘅合照，本来系想分享同偶像打卡嘅开心事，点知就意外喺网上掀起连番风波，唔少网民将焦点放喺两人嘅状态上，更有人留言质疑麦明诗「只P自己、唔P前辈」，甚至更有媒体以此为标题报道此事。
事件发酵多日，面对排山倒海嘅「P图」质疑，麦明诗终于喺 19号 正式于社交平台发文反击。为以正视听，佢直接晒出当日张相嘅数据（Metadata），用铁证证明自己绝对没有进行任何「独家修容」。麦明诗喺帖文中大呼冤枉：「其实我自己都好钟意睇threads，大家吹吓水、乱噏吓，一笑置之。睇开threads嘅读者都有自己判断能力，不过当啲传统媒体走上去cap啲po当新闻咁报，个问题就出现啦，传统嘅观众就基于媒体嘅可信性而接收件事，真系以为我P自己唔P人…我一定唔会呀！佢好靓，都唔知可以P啲乜。」
对于被指刻意「大细超」修图，麦明诗无奈表示：「我只系以小粉丝嘅身分同之琳姐打卡，我冇机会同佢解释翻，希望之琳姐唔会误会我啦🫣」同时佢亦笑言早前因工作太忙，所以一直无暇理会呢场风波，并自嘲标签「#我不是女神 #我只是小师奶」。
