恋爱综艺《女神配对计划2》刚播出一集，两位隐藏女神 梁超怡 同 陈星妤 终于现身，仲同由佢哋亲自挑选嘅求爱勇者亲密接触，令气氛更加炽热之余，亦可以预见竞争会更加激烈喇。
同Yvett面对面咬糖嘅Oscar 方智泓 事后就直认心跳不止，仲话以呢个方式首次见面，心情非常波动呀。至于本来已同自己配对嘅Oscar仲有Oswald 关经翰 都被Yvett同Joey「迷惑」， 俞可程 就似乎有啲担心喇。之后Kanis就迅速出招回应，于电话亭环节贴身耳语用力挽留Oscar。
至于加入女神陈营嘅Yvett同Joey，就话心情一直非常紧张，因为首次参与恋爱综艺同真人骚拍摄，仲要喺大众见光下谈情，不过同时心情兴奋呀，仲话唔系抢情人，一切都交由缘份决定㖞。
至于早于节目开始初段已成为大家焦点嘅 阮嘉敏 同 吴旭东 ，呢集就竟然有意外发展，因为Mandy决定同Hepta 谭梓乐 互动，令一众女神、勇者同花生团都大为震惊，而以为自己十拿九稳嘅东东大受打击当场落泪。
《女神配对计划2》星期日晚 20:30 翡翠台