张与辰获预祝生日专注事业 玲玲预测来年忙爆周围飞

张与辰 同 麦玲玲 曾展望 仲有 彭家贤 一齐担任一个电竞节目主持，嚟紧星期日就系Vic嘅41岁生日，呢日大家都一早为佢准备惊喜，现场为佢预祝牛一。寿星仔仲祝大家都身体健康事事顺利。

佢仲话见到蛋糕一刻都唔知系为自己庆祝，仲话希望业内朋友人人有工开，而玲玲师傅就提醒佢来年犯太岁，不过身为艺人就冇问题，仲指与辰唔止多Job仲会四围飞，演出机会大把呀。至于姻缘方面，佢就话唔心急，先专心事业咁话。

而刚过完29岁生日嘅GM，就喺网上同Sophie狂晒恩爱，令之前被指情变淡嘅流言全部消散，不过佢就话今年只系平淡度过，仲话完全唔需要澄清，玲玲师傅仲爆佢哋不知几甜蜜，自己都成日催佢哋拉埋天窗呀。