澳娱综合澳门上葡京综合度假村呈献嘅台庆剧《璀璨之城》，一开播就引发连串讨论，当中唔止官家两位少爷 张智霖 同 吴卓羲 两兄弟为求目的不择手段，连少奶 高海宁 同 张曦雯 同样不惜一切达成目标。
日前 倪嘉雯 因被公开性侵过往而轻生，拍摄呢场沉重镜头时， Carmen就直指平时笑哈哈嘅自己要投入有一定难度，亦非常多谢高Ling帮忙投入崩溃情绪呀。而高Ling同 陈滢 亦直指Carman呢场演出非常困难呀。
Carmen嘅角色本来同 孔德贤 经营小食店，不过因为两位少奶嘅收购计划而跌入漩涡，Danny仲直指系被奸人所害，仲留低伏线指外人未必衰得晒咁话呀。佢仲话因为于美食广场拍摄，近厨得食下就即场慢慢拣叹美食喇。
扮演少奶嘅Kelly唔止不时都靓爆出现，今次唔止出动私伙靓衫作戏服，加上身处澳门呢个美食之城，一有时间就同拍档四出揾食喇。
美食之外，剧集更于澳门各大景点取景，好似澳门旅游塔、华丽嘅餐厅御花园，以及高贵装潢嘅上蒲京大礼堂，足迹可以话遍及整个澳门呀。
《璀璨之城》星期一至五晚 20:30 翡翠台