伍富桥升呢人父亲为BB剪脐带 古淖文将杀入红馆头痕表演细节

古淖文 伍富桥 应智越 仲有 涂毓麟 ，呢日齐齐参与一个万圣节活动，仲齐齐以特别造型出席，不过刚为人父嘅Alvin就非常平实，似乎系忙住凑BB之故喇。Alvin话小朋友比预期提早出世，亦陪住太太入产房为BB剪脐带，仲话听到BB第一吓喊声感动到毛管都楝呀。

而German同样可喜又可贺，事关佢即将迎接红馆演唱会，佢仲话今次要倾尽全力为大家演出，仲话一定系「All In」，German话正考虑舞台设定，心情兴奋又紧张呀。

至于早前入院切除瘜肉嘅细猫，呢日就满血现身，佢话因为讲话同唱歌都有问题，又因为药物等因素，令佢对往后嘅音乐事业非常担心，幸好手术后康复先公布，真系一天都光晒呀。