TVB恋爱真人骚《女神配对计划2》播出后，唔少网民非常留意一众女神们嘅感情动向，何沛珈近期与另一女神俞可程（Kanis）争夺「冷气男神」方智弘（Oscar），引发唔少网上热议，何沛珈日前接受传媒访问时，压力爆煲忍唔住喊。
何沛珈喺社交平台遭网民负评，被指系绿茶女、机心女，甚至连其工作态度亦被批评，何沛珈受访时有感自己「好似做乜都系错」，好似将佢6年喺工作上嘅努力抹杀咗。
何沛珈坦言希望以最真实反应去拍摄，拍摄初时唔识去玩恋综，节目播出街后越嚟越多负评出现，何沛珈明白每次唔同节目出街都未必喜欢，但佢冇谂过今次会咁多人讨论，令何沛嘉陷入自我怀疑。
何沛珈澄清「抢仔」指控，话表达好感前，私下有问过女神Kanis嘅意见，Kanis都想继续了解其他人，何沛珈先觉得可以去试吓表达好感，话唔存在「抢」呢回事，何沛珈直言系真系对Oscar有兴趣，之后有机会倾过偈，想继续了解对方，但而家畀人闹爆， 何沛珈担心连累Oscar，觉得自己好似污秽咗，好惊染污咗对方，已删除社交平台避风头。
随著最新播出𠮶集剧情发展，演变成「4女争1男」，Oscar、何沛珈同Kanis呢个三角关系，隐藏女神陈星妤（Yvette）及梁超怡（Chiuyi）亦加入战团，记得留意《女神配对计划2》啦！
