车婉婉 同 黑妹 李丽霞 日前一齐出席活动，分享减压秘诀。婉婉有份演出嘅《爱．回家之三代同糖》近日宣布 樊亦敏 同 欧瑞伟 加入角色阵容，而佢就指再同两位合作非常开心，仲谂起年前同Amy姐合作已系《大酱园》。
佢仲话两人加入后，令剧集有更唔同嘅化学作用，希望令观众更喜欢，仲暗示继续会有唔同角色同内容发生，叫大家记得留意呀。虽然拍处境剧日日忙，不过宝贝仔 BBQ 就系最忠实观众，仲会整古做怪叫妈咪做冰冰，非常可爱。
至于黑妹姐呢日就提到，自己行走江湖献唱演出多年，仲发觉自己遇到压力或者唔如意时，出力唱歌就系最佳嘅减压方法，每次上台演唱就会乜唔记得晒，仲指乖孙似乎都遗传到自己嘅歌喉同音乐基因，仲把握孙仔英国返港嘅机会好好享天伦乐呀。
