林夏薇同罗子溢呢日现身马来西亚出席活动宣扬健康讯息，《中年好声音4》唱将郑仲豪献唱《海阔天空》之外，子溢亦大开金口唱《不想独自快乐》助兴。
薇薇身穿低胸贴身裙尽显优美身段，喺时装设计师陪同进场，行catwalk𠮶阵顿时成为全场焦点。薇薇话本身好少行catwalk，因有设计师陪伴，令佢倍添自信，薇薇觉得健康同内在美都好紧要，由内散发出嚟就系最靓，子溢都话结婚后好著重身体健康。
子溢爱妻杨茜尧同薇薇新剧《玫瑰战争》就嚟播出，子溢就话上次喺《黑色月光》未够戏瘾，好期待佢哋再次斗法，子溢笑言美中不足系自己冇份，夹喺茜尧同薇薇中间就好完美喇！薇薇闻言就话知道要点演，茜尧揾佢复仇，佢就向子溢复仇，子溢笑住话自己变咗最惨𠮶个。
