一度位列香港女首富嘅 刘銮雄 太太 陈凯韵 最近正式推出时装品牌KUUKee，更担任品牌设计师。年前对钩织产生大量兴趣，其后创立手作品牌之后，甘比最近将趣味、舒适同精致工艺结合，推出奢华日常风格嘅时装品牌「KUUKee」，寓意独特、玩味而迷人嘅个性。透过色彩、自在廓形同细节设计，加上 「轻便」」同「Serotonin Dressing」(血清素穿搭)理念，延伸甘比鲜明、率性同充满愉悦嘅个人美学。
甘比话： 「我想同更多人分享轻松生活哲学，Happy Yarn嘅定位是钩织手作，难以大量制作 。所以我决定创办KUUKee ，好似一个平台俾我发挥创意同更多人分享 ，为生活添上玩味色彩 」
品牌早前举办独预览活动，甘比更亲临现场同顾客见面，分享作品背后嘅工艺同巧思，而首个系列中，甘比糅合自己喜欢嘅风格，细节反映佢身为妈妈同事业女性嘅日常需要，佢话：「系列刻意加入了好多袋，因为我日常有好多随身物品，手机、银包、纸巾、湿纸巾等等，随身嘅袋就会好方便，亦可以带来更多安全感。 」活动当日唔止吸引大批嘉宾出席 ，销情亦非常热烈，部份款式唔够半个钟已告断码，部份货品更需要预售。
甘比仲指品牌由构思到推出历时一年有多，除咗于知名时装店嘅专柜以外，仲预告网店今个星期六就会正式营业，佢仲兴奋透露：「品牌11月底就会进军韩国市场，于当地广受韩星同名人欢迎嘅潮流名店BOONTHESHOP开设实体店，韩国嘅朋友可以去实体店亲身感受，希望好快可以迈向国际上更多唔同地区，更上一层楼！」
