凭《还珠格格》小燕子一角而旋即红遍东南亚嘅 赵薇 2021年被官方点名为「劣迹艺人」后，所有演艺同商业活动都遭封杀，甚至连相关影视作品都需要下架。佢于2024年底时曾发文，宣布与2008年结婚嘅新加坡藉富商 黄有龙 已离婚多年，两人育有一女小四月。
赵薇喺过去5年如同神隐一样，除咗官宣已经离婚之外，就鲜有露面同新消息。直至星期二，赵薇罕有现身公开场合，染咗一头金色棕发嘅佢，身穿黑色格仔衬衫加白裙，现身好友兼著名发型师Kim Robinson喺新加坡举行嘅发型骚。
赵薇嘅出现即时成为现场焦点，虽然已经踏入50岁，但外表睇嚟保养得宜，佢透露近期开始追看AI剧，亦对呢类新兴嘅产业发表睇法，佢话喺现实嘅资金上，好难做到AI中嘅场景同效果。赵薇亦透露有埋首写剧本，不过暂时未有复出计划。
