冼靖峰12月举行首次香港个唱 预告将于骚上展现最随性一面

冼靖峰现身影楼拍摄新一辑靓相，不过呢批相佢影得特别认真，事关系用嚟做佢12月演唱会嘅宣传海报，加上今次系Archie首度喺香港举行嘅个人演唱会，而成个骚嘅概念系大家可以了解佢平时喺屋企所做嘅事。Archie坐喺一张布满唱片、结他同电子琴嘅床上影海报，佢话平时屋企都会系咁，尤其当练歌嘅时候，所有嘢都会放喺张床度。

演唱会海报造型畀人一种随性嘅感觉，Archie话正正系今次演唱会嘅主题，希望畀到新鲜感入场嘅观众，而呢系同之前喺内地嘅演唱会有分别。Archie表示有好多亲朋戚友会嚟捧场，当中有移居外地嘅朋友会专程返港。问到骚上会否剥衫？Archie话「大家入场咪知。」不过佢承认经已操弗身型。