哈林庾澄庆现身新歌记招，呢次佢用怀旧小食做歌名加上新颖曲风，令成首歌都好有新旧融合嘅感觉。哈林除咗出歌，亦即将喺北京展开巡唱，被问会唔会揾大仔恩利做嘉宾时，哈林就话要睇阿仔时间，因为恩利叫佢成个演出时间表畀佢，等佢再夹时间，所以哈林都未知会否父子档演出，若果恩利真系现身，佢都要为演出内容而伤脑根。
讲到恩利早前毕业礼时，曾表示跟爸爸哈林及妈妈伊能静同场很难，问到哈林会否再有一家三口同框机会时？哈林断言指「没有。」
哈林再婚后，同现任老婆张嘉欣诞下一仔一女，而喺佢嘅新作中，一对仔女都有献声，呢件事令哈林非常兴奋，亦由于佢对仔女有所要求，所以前后分开几日先顺利录完。
哈林早前现身由五月天阿信及F4三位成员组成嘅F FOREVER巡唱杭州站做惊喜嘉宾，唱出当年热爆大江南北嘅剧集主题曲，佢都话呢次令佢开心又感触，全因当年F4、大S同歌曲《情非得已》系套餐，估唔到他们喺巡演中冇唱过，哈林觉得可能首歌对佢哋有种特别感受，正如仔仔都冇唱，可能首歌令佢感触良多。