《璀璨之城》开播近两星期，喺10月12号推出首周，跨平台直播收视最高22点 (141万观众)，成为上周收视冠军，亦系自2025年至今首播首周最高收视剧集。剧集由张智霖（Chilam）、吴卓羲、张曦雯、高海宁、姜大卫等主演，以豪门家族斗争为题，由未开播已经关注度好高，喺剧力万钧之下引发全城热话。
myTV SUPER重温《璀璨之城》豪门家族争产
Chilam系剧集灵魂人物之一，饰演极级渣男嘅官孝贤，收到呢个好消息之后，喺百忙中抽空，喺社交平台拍片话收到剧集监制陈维冠通知喜讯，恭喜晒台前幕后每一位，最要多谢嘅系观众支持，并作出呼吁希望观众继续睇《璀璨之城》。
其实Chilam一向系收视男神，过往喺TVB嘅剧集角色均大受欢迎，早喺2000年时主演经典剧《十月初五的月光》更创下收视神话，最高收视逹46点，早前TVB深夜重播仍引发回响。Chilam喺2013年同吴卓羲一同主演《冲上云霄II》，Chilam饰演「Cool魔」，除咗收视超班，型到爆嘅机师角色，令无数观众风靡。
