王君馨（Grace）同圈外老公Daniel喺2016年结婚后，去年5月诞下千金Audrey，至今年7月，Grace宣布怀上第二胎，实现三年抱两愿望，上月揭晓BB性别系小公主，希望两姊妹未来相亲相爱。Garce之前仲分享咗佢同Daniel喺香港上车置业，为迎接宝宝及未来做好准备。
Grace近日展示一辑全新火辣孕照，早前两夫妻趁有空档去咗富国岛旅行享受Babymoon，见佢哋入住咗间舒适又豪华嘅池景酒店，Grace穿上白色比坚尼、披上透纱摸住孕肚，虽然已经肚凸凸，但Grace四肢及背部依然纤幼，未有完全发福，反而散发住一般幸福妈妈嘅味道，特别系老公Daniel喺其身边轻扭住佢及亲亲肚内BB时嘅画面，真系好温馨﹗
