孔德贤（Danny）近日出现喺热播剧《璀璨之城》中，演活识时务嘅角色许立风，讲述佢喺澳门十月初五街成长，经营一家小食店，同剧中女友倪嘉雯两口子打理，两人继《香港探秘地图》后再度演情侣，Danny曾喺接受TVB娱乐新闻台访问话同Carmen再合作大家有默契，可以省却时间去摸索，合作顺畅，而佢好钟意剧中嘅新发型。
Danny近日公开自己开工前，自己剃头嘅片段，见佢一啲都冇不舍，手执电铲快速完成，勇于为角色转变，仲话自己头发自己剪，当佢知道要剪呢个发型嘅时候好兴奋，终于可以试吓平头装。
Danny好希望每一个角色都会有一个全新嘅面貌俾到观众睇，唔知呢个发型会唔会令到你哋更加憎恨佢呢个角色，唔少民都赞佢呢个Look好清爽，锐气不减。
其实Danny喺角色只系一时嘅贪念而卷入官家新抱高海宁同张曦雯（Kelly）嘅收购十月初五街嘅风波之中，面对女友Carmen跳楼轻生，Danny付出沉重代价，想知佢哋嘅发展就要继续留意剧情。
