刘恺威自2018年与内地女星杨幂离婚后，早前曾高调认爱内地艺人李晓峰，惟呢段恋情于今年4月告终，刘恺威回复单身不久，已火速觅得新欢，早前被爆与32岁黎纪君（Christy）秘密挞着，二人毫不避忌大方认爱，朋友之间唔需要再保守秘密，黎纪君开始喺限时动态放闪。
52岁刘恺威同黎纪君因热爱打匹克球（Pickleball）与网球而结缘，二人志趣相投，秘恋约两个月，爱得非常火热，刘丹对于阿仔刘恺威有新恋情开绿灯，盼望能见吓呢位未来新抱仔。
黎纪君㖊日喺社交平台放闪上载与男友刘恺威及好友去打波嘅合照。相中见洪永城同黎纪君闺密梁诺妍（Inez）同场，刘恺威喺影合照时，甜蜜搭住女友膊头，话晒呢段恋情早已系波友圈公开嘅秘密，睇嚟一班好友对佢哋谱出恋曲，亦好戥二人开心。由于二人处于热恋期，刘恺威目前主要留港陪伴佳人。
