任达华、谢君豪、伍允龙、赖慰玲等一同现身电影活动，华哥同君豪唔单止斗智斗力，君豪更成功游说华哥合演舞台剧，两人强强联手合作令人期待。华哥同君豪惺惺相惜，碰面时除咗研究演戏之外，又不时会交流摄影技术，仲互相收藏大家嘅片段同相片。
讲到香港最美嘅靓景，华哥同君豪不约而同认为佢哋儿时成长地彩虹邨最靓，加上呢个地方就快清拆，令佢哋好多回忆涌现，虽然两人曾经同住彩虹邨，不过就未曾相遇过，君豪笑指自己仲系BB时，华哥已经读紧中学。
娱乐新闻台主播王镇泉喺访问期间因为有啲热流汗，华哥即刻贴心拎出纸巾为镇泉贴心抺汗。华哥嘅贴心举动连Winki都感受到，因为二人合作时一cut机，周边嘅人都争住同华哥影相，佢亦大方来者不拒，直头做咗打卡景点一样。
另外，日前系伍充龙女友李蔓莹生日，Philip话自己都识得制造气氛，所以女友生日佢都识做，但就保持神秘唔会公开。
